Ruslan Davıdov: "Gəncədə gömrük sahəsində müzakirələrin böyük əhəmiyyəti var"

"Gəncədə gömrük sahəsində müzakirələrin böyük əhəmiyyəti var".

"Report"un Qərb bürosunun məlumatına görə, bunu Müstəqil Dövlətlər Birliyinin Gömrük Xidmətləri Rəhbərləri Şurasının sədri Ruslan Davıdov Gəncə şəhərində keçirilən şuranın 76-cı iclası ərəfəsində bildirib.

"Müstəqil Dövlətlər Birliyinin Gömrük Xidməti Rəhbərləri Ekspertləri Şurasının 76-cı iclasında 7 ölkənin əməkdaşları iştirak etdi. İclasda əsasən, xidmətlərin koordinasiyalı işlənməsi, əməkdaşlıq, xidmətlər arasında münasibətlərin prosedurlarının sürətləndirilməsi, həmçinin yükdaşımalar nomenklaturasının harmonlaşdırılması və beynəlxalq gömrük xidmətləri çərçivəsində hərəkətlərinin koordinasiyalı işlədilməsi məsələləri müzakirə olunub", - R.Davıdov bildirib.

Qeyd edək ki, iclasda Azərbaycan, Qazaxıstan, Özbəkistan, Rusiya, Belarus, Tacikistan və Qırğız Respublikasının gömrük xidmətlərinin nümayəndələri iştirak edib.