Peter Mixalko: Minalardan təmizlənmə Azərbaycanın prioritetidir

Ermənistan-Azərbaycan münaqişəsinin əvvəlindən Azərbaycan vətəndaşları mina problemindən əziyyət çəkiblər.

“Report” xəbər verir ki, bunu Avropa İttifaqının Azərbaycandakı səfiri Peter Mixalko “Avropa komandasının mina əleyhinə təşəbbüsü” adlı tədbirdə deyib.

“Bu gün artıq minalardan təmizlənmənin Azərbaycanın prioriteti olduğunu müşahidə edirik. Avropa İttifaqı olaraq biz bu yolda Azərbaycana dəstək olmağa hazırıq”, - o qeyd edib.

P.Mixalko vurğulayıb ki, 2020-ci ildən minalardan təmizlənmə istiqamətində Aİ tərəfindən Azərbaycana 10 milyon avro məbləğində qrant yardımı göstərilib.