Bakı 15° C
https://static.report.az/photo/d3809892-4613-3486-8a84-95327693e973.jfif
Fransanın paytaxtı Parisdə respublikamızın Fransadakı səfirliyinin Mədəniyyət Mərkəzində “Azərbaycan Olimpiya Evi”nin açılışı olub.
"Report"un yerli bürosu bildirir ki, açılış mərasimində Azərbaycan Respublikasının İdman Naziri Fərid Qayıbov, Azərbaycan Respublikası Rəqəmsal İnkişaf və Nəqliyyat Nazirliyi Rəşad Nəbiyev, ölkəmizin Fransadakı səfiri Leyla Abdullayeva, Azərbaycanın UNESCO yanında daimi nümayəndəsi Elman Abdullayev, Türkiyənin Fransadakı səfiri Yunus Demirer, Azərbaycan Respublikası Milli Olimpiya Komitəsinin vitse-prezidenti Çingiz Hüseynzadə, diplomatik korpusun nümayəndələri, fransalı qonaqlar və digər şəxslər iştirak ediblər.
Qonaqlar Paris yay Olimpiya Oyunlarında iştirak edən azərbaycanlı idmançılara uğurlar arzulayıblar. Azərbaycanın Fransadakı səfiri Leyla Abdullayeva və MOK-un vitse-prezidenti Çingiz Hüseynzadə çıxış edərək Azərbaycanın Olimpiya tarixi haqqında məlumat veriblər. Onlar ölkəmizin ilk dəfə 1996-cı ildə müstəqil ölkə kimi Olimpiya Oyunlarına qatıldığını qeyd ediblər.
Açılış mərasimində Mərdan Kazımov və qrupu Azərbaycan musiqilərini ifa ediblər. Olimpiya oyunları zamanı “Azərbaycan Olimpiya Evi”ndə müxtəlif səpkili, silsilə tədbirlərin keçirilməsi nəzərdə tutulur.
Qeyd edək ki, yay Olimpiya oyunlarına 15 idman növü üzrə 48 azərbaycanlı idmançı qatılıb.
Fransanın paytaxtı Parisdə "Azərbaycan Olimpiya Evi"nin açılışı olub.
“Report” xəbər verir ki, bu barədə Azərbaycanın Fransadakı səfiri Leyla Abdullayeva “X” sosial şəbəkəsində bildirib.
“Rahat atmosfer, xoş insanlar, ləzzətli milli mətbəx və əla musiqi”, - səfir qeyd edib.
Qeyd edək ki, Paris-2024 Yay Olimpiya Oyunları iyulun 26-dan avqustun 11-dək davam edəcək.
Opening of the Azerbaijani in .
— Leyla Abdullayeva (@LAbdullayevaMFA)
Cosy atmosphere, nice people, delicious national food and excellent music.
Ouverture de la Maison Olympique azerbaïdjanaise à .
