Pakistan parlamentinin sədri Bakıda keçirilən toplantıda Kəşmir problemini qaldırıb

“Dünya varlar və yoxlar arasında bölünməyə davam edərsə, yaşamaq üçün münasib yer olmayacaq”.

“Report”un xəbərinə görə, bunu Bakıda keçirilən İqtisadi Əməkdaşlıq Təşkilatı Parlament Assambleyasının Üçüncü Ümumi Konfransında Pakistan İslam Respublikası Milli Assambleyasının sədri Raca Pərviz Əşrəf deyib.

“Regional əməkdaşlıqdan danışarkən Kəşmir xalqının acınacaqlı vəziyyətdə yaşamasına necə göz yuma bilərik? Burada Əfqanıstandan olan həmkarlarımızın yeri görünür. Ümid edirəm ki, onlar tezliklə yanımızda olacaqlar”, - o bildirib.