Moses Bekker: “Azərbaycan və İsrail arasında hərbi əməkdaşlıq regional təhlükəsizlik üçün vacibdir”

“Azərbaycan və İsrail arasında hərbi əməkdaşlıq Yaxın Şərq regionunun təhlükəsizliyi üçün vacibdir”.

Bunu “Report”a açıqlamasında siyasi elmlər namizədi, millətlərarası dini münasibətlər üzrə ekspert Moses Bekker deyib.

O bildirib ki, İsrail xüsusilə silah sahəsində yüksək innovativ texnologiyalara malik ölkədir: “İsrail də öz növbəsində Azərbaycanın Cənubi Qafqazın lider dövləti olan ölkə kimi strateji əhəmiyyətini anlayır”.

Politoloq qeyd edib ki, iki ölkə arasında əlaqələrin hərbi sahədə də inkişaf etməsi təəccüblü deyil: “Hesab edirəm ki, bu dostluq gələcəkdə də davam edəcək, çünki bu, hər iki ölkə üçün faydalıdır”.

Ekspert Bakıya gələn israilli turistlərin sayının sürətlə artdığını da vurğulayıb.