Milli Assambleyanın üzvü: “Fransa işğalçı ölkə olaraq qalmaqdadır”

“Fransa bu gün də işğalçı dövlət olaraq qalmaqdadır”.

"Report" xəbər verir ki, bunu Fransa Respublikası (Fransız Qvianası) Milli Assambleyasının deputatı Jan-Viktor Kastor “Kolonializmin tamamilə aradan qaldırılmasına doğru” mövzusunda keçirilən tədbirdə deyib.

Onun sözlərinə görə, Frana Qviananın təbii sərvətlərini talan edib: "Bu gün orada insanlar yoxsulluq içində yaşayırlar. Yoxsulluq içində yaşayan əhali 30 faizdən 50 faizə yüksəlib".

Deputat vurğulayıb ki, Fransa dənizaşırı ərazilərində regional dilləri tanımaqdan imtina edir və yalnız fransız dilində danışmağa icazə verir.

Onun sözlərinə görə, Fransız Qvianası hazırda Latın Amerikasında müstəqil olmayan yeganə ölkədir.