Meksika səfiri: “Azərbaycan xalqı inanılmaz dərəcədə qonaqpərvər və səxavətlidir”

“Azərbaycan xalqı inanılmaz dərəcədə qonaqpərvər və səxavətlidir”.

Bunu “Report”a müsahibəsində Meksikanın Azərbaycandakı fövqəladə və səlahiyyətli səfiri Mariya Viktoriya Romero Kabalyero deyib.

“Belə mehribanlığı görəndə yaxşı mənada çox təəccübləndim. Burada özümü evdəki kimi hiss edirəm. Bunu hər yerdə hiss edə bilməzsən. Bu mənada, Azərbaycan mənim üçün xüsusi ölkə oldu. Hələlik regionlara getmək imkanım olmayıb, amma yaxın aylarda bunu etməyi planlaşdırıram”, - o bildirib.

Səfir Azərbaycan mədəniyyətinin heyranedici olduğunu qeyd edib: “Özüm də zəngin irsə malik mədəniyyətə mənsubam və Bakıda da bunu görürəm. Burada tarixi irs müasirliklə qonşudur. Bakı kosmopolit şəhərdir”.

Müsahibənin tam mətni ilə buradan tanış ola bilərsiniz.