Leyla Abdullayeva Fransanın ali təhsil ocağının tələbələrinə Bakının xarici siyasətindən danışıb

Azərbaycanın Fransadakı səfiri Leyla Abdullayeva Parisin Siyasi Araşdırmalar İnstitutunun (Sciences Po) tələbələri ilə Bakının xarici siyasəti və regiondakı geosiyasi vəziyyətdən danışıb.

“Report” xəbər verir ki, bu barədə diplomat sosial şəbəkədə yazıb.

“Sciences Po”nun tələbələri ilə əla görüş. Azərbaycanın xarici siyasəti və regiondakı geosiyasi durumdan danışdım. Gənclərin biliklərə böyük marağı, entuziazmı və motivasiyasını görmək məni sevindirdi”, – Azərbaycanın diplomatik missiyasının başçısı qeyd edib.