Polineziyanın BMT-dəki nümayəndəsi: “Fransanın müstəmləkə siyasətinin nəticələri ilə mübarizəni davam etdiririk”

“Polineziya Fransanın müstəmləkə siyasətinin nəticələri ilə mübarizəni hələ də davam etdirir”.

"Report" xəbər verir ki, bunu Fransa Polineziyasının BMT-dəki nümayəndəsi Karlayl Korbin noyabrın 21-də Bakı Təşəbbüs Qrupunun təşkilatçılığı ilə həyata keçirilən "Dekolonizasiya: Qadınların gücləndirilməsi və inkişafı" mövzusunda konfransda deyib.

“1844-cü ildən 1846-cı ilə qədər fransız müstəmləkəçiləri ilə müharibə davam edib. Sonra Fransa bu adaları zəbt edərək və öz hüquqlarını müəyyən edib”, - o bildirib.

K.Korbin qeyd edib ki, Polineziya xalqı da Fransanın nüvə sınaqlarından ciddi ziyan çəkib: "Bu, nəsillər boyu davam edib. Nəticələr həm Polineziya xalqına, həm də ətraf mühitə təsir edib".