İcma: “Soydaşlarımızın geri qayıdışı ilə bağlı ünvanladığımız müraciətlərimizə Fransa mövqe bildirməyib”

“Təəssüflər olsun ki, bizim soydaşlarımızın geri qayıdışı ilə bağlı ünvanladığımız müraciətlərimizə bir dəfə də olsun Fransa tərəfindən mövqe bildirilməyib”.

“Report”un xəbərinə görə, bunu Qərbi Azərbaycan İcmasının sözçüsü Ülviyyə Zülfiqar Bakıda “Kolonializmin tamamilə aradan qaldırılmasına doğru” mövzusunda keçirilən tədbirdə deyib.

“Biz buradakı insanlarla həmrəyik. Fransa Avropa Şurasının milli azlıqların qorunmasına dair Konvensiyasına qoşulmayıb. Fransa konvensiyaya qoşulmamaqla öz ərazisindəki milli azlıqlara davranışını nümayiş etdirir və bununla da monoetnik olan Ermənistanla yaxın mövqe göstərərək onun izi ilə gedir”, - İcma rəsmisi vurğulayıb.