Əli Hüseynli: Beynəlxalq hüquq mexanizmləri mükəmməl olmadığından koloniyalar fransız müstəmləkəsindən azad olmayıb

Beynəlxalq hüquqi mexanizmlər mükəmməl olmadığından keçmiş və indiki koloniyaların fransız müstəmləkəsindən azad olması hələ mümkün olmayıb.

“Report” xəbər verir ki, bunu Milli Məclis sədrinin birinci müavini Əli Hüseynli parlamentdə mayın 30-da keçirilən "Fransız Polineziyasının Dekolonizasiya Hüququ - Çağırışlar və Perspektivlər" mövzusuna həsr edilən konfransda çıxışı zamanı deyib.

O qeyd edib ki, beynəlxalq hüquq dövlətlərin hərbi cinayətlərə, soyqırımı aktlarına görə məsuliyyətə cəlb edilməyi nəzərdə tutur, ancaq müstəmləkə ilə bağlı məsələ hələ də tam müəyyən edilməyib.