Yuxarı

Birinci xanım Mehriban Əliyeva Münxendə dünya nizamına həsr olunmuş tədbirdə iştirak edib

Münxen Təhlükəsizlik Konfransı çərçivəsində bir sıra mövzularda müzakirələr aparılıb

Bakı. 14 fevral. REPORT.AZ/ Münxen Təhlükəsizlik Konfransı çərçivəsində bir sıra mövzularda müzakirələr aparılıb. Tədbirlərdə Azərbaycanın birinci xanımı Mehriban ƏliyevaHeydər Əliyev Fondunun vitse-prezidenti Leyla Əliyeva iştirak ediblər.

"Report" xəbər verir ki, Azərbaycanın birinci xanımı Mehriban Əliyeva konfransın “Hədsiz böhranlar, dünya nizamını pozanlar, köməksiz müdafiəçilər: dünya nizamının vəziyyəti” mövzusunda müzakirələrin aparıldığı tədbirdə iştirak edib.

NATO-nun baş katibi Yens Stoltenberqin, Rusiyanın Baş naziri Dmitri Medvedevin, Fransanın baş naziri Manuel Valsın, Münxen Təhlükəsizlik Konfransının sədri Volfqanq İşingerin, ABŞ-ın dövlət katibi Con Kerrinin, Almaniyanın xarici işlər naziri Frank-Valter Ştaynmayerin və digər nüfuzlu şəxslərin iştirak etdikləri tədbirdə əsasən beynəlxalq təhlükəsizliyə yönələn təhdidlərin qarşısının alınması, dünyadakı münaqişə ocaqlarındakı vəziyyət və bu təhlükələrdən xilas yolları müzakirə olunub.

Heydər Əliyev Fondunun vitse-prezidenti Leyla Əliyeva isə Münxen Təhlükəsizlik Konfransının gənc liderləri sırasında müzakirələrin gedişini izləyib.

Qeyd edək ki, 2009-cu ildən başlayaraq hər il Münxen Təhlükəsizlik Konfransı və Korber Fondu dünyanın müxtəlif yerlərindən olan 25 gənc liderin görüşünü təşkil edir. Gənc liderlərə Münxen Təhlükəsizlik Konfransında yüksək səviyyəli şəxslərlə debatlar aparmaq və ünsiyyət qurmaq imkanı yaradılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi