Azərbaycan-Rusiya sərhədinin demarkasiyası üzrə keçiriləcək növbəti iclasın tarixi açıqlanıb

"Azərbaycan Respublikası ilə Rusiya Federasiyası arasında dövlət sərhədinin demarkasiyası üzrə Birgə Komissiyanın növbəti iclası iyunun 17-18-də Bakıda keçiriləcək". 

"Report" xəbər verir ki, bunu jurnalistlərə Azərbaycan Xarici İşlər nazirinin müavini, Prezidentin sərhəd və Xəzər dənizi məsələləri üzrə xüsusi nümayəndəsi Xələf Xələfov bildirib.

"Demarkasiya prosesi uzun bir prosesdir. Hesab edirəm ki, Rusiya ilə Azərbaycan arasında demarkasiya üzrə danışıqlar 3-5 il davam edə bilər. Bu proses durmadan davam edir və hər dəfə müəyyən qədər irəliləyir. Adətən, belə proseslər uzunmüddətli proseslərdir. Çünki biz təkcə demarkasiyani aparmaq üçün normativ hüquqi sənədləri üç ilə qəbul edə bildik", - deyə o qeyd edib.