Xınalığa su-kanalizasiya xətləri çəkiləcək

Gələn il Quba rayonunun Xınalıq kəndinə su və kanalizasiya xətləri çəkiləcək.

"Report" xəbər verir ki, bunu “Xınalıq” Dövlət Tarix-Memarlıq və Etnoqrafiya Qoruğunda aparılan təmir-bərpa işlərinə baxış zamanı Dövlət Turizm Agentliyinin sədri Fuad Nağıyev bildirib.

"Bununla bağlı “Azərsu” ASC ilə birgə müvafiq layihə hazırlanır. Layihə hökumətə təqdim ediləcək və lazımi vəsait ayrılandan sonra bu problem həll olunacaq", - deyə o, qeyd edib.