Türkiyəyə gedən Azərbaycan vətəndaşlarının sayı açıqlanıb

Bu ilin yanvar-iyun aylarında Türkiyəyə 328 min 13 nəfər Azərbaycan vətəndaşı səyahət edib.

Bu barədə "Report"a Türkiyənin Mədəniyyət və Turizm Nazirliyindən məlumat verilib.

Bildirilib ki, bu, 2022-ci ilin müvafiq dövrünə nisbətən 10 min 728 nəfər və ya 3,17 % azdır. Türkiyəyə gedən azərbaycanlılar bu ölkəyə səfər edən millətlərin 1,67 %-ni təşkil edir.

Qeyd edək ki, bu ilin 6 ayında Türkiyəyə ən çox səfər edən Rusiya, Almaniya, İngiltərə, Bolqarıstan və Polşa vətəndaşları olub.

Həmçinin bu ilin iyununda Türkiyəyə 74 min 136 nəfər Azərbaycan vətəndaşı səyahət edib. Bu, 2022-ci ilin müvafiq dövrünə nisbətən 3 696 nəfər və ya 4,75 % azalma deməkdir. Türkiyəyə gedən azərbaycanlılar bu ölkəyə səfər edən millətlərin 1,33 %-ni təşkil edir.