Bakıda Qazaxıstanın turizm potensialı təqdim ediləcək

Avqustun 25-də Qazaxıstanın Şımkent şəhərinin turizm potensialının təşviqi və təqdimatı məqsədilə Bakıda “ROAD-show” keçiriləcək.

Qazaxıstanın Azərbaycandakı səfirliyindən “Report”a verilən məlumata görə, tədbirdə Şımkent şəhərinin akimi Aybek Sattıbayev, maslihat katibi Bahadır Narımbetov, turizm idarəsinin rəhbəri Yerlan Kıdırov, biznes dairələrinin və AIR ASTANA şirkətinin nümayəndələri, həmçinin mədəniyyət işçiləri iştirak edəcəklər.

Tədbir zamanı iki ölkənin nümayəndələri ikitərəfli əməkdaşlıq haqqında memorandum imzalayacaqlar.