Azərbaycandakı qoruqların gəliri 3 dəfəyə yaxın artıb

Bu ilin yanvar-may aylarında Dövlət Turizm Agentliyinin tabeliyindəki Qoruqları İdarəetmə Mərkəzinə məxsus qoruqların gəliri ötən ilin eyni dövrü ilə müqayisədə 2,6 dəfə çox olub.

"Report" xəbər verir ki, bunu jurnalistlərə açıqlamasında Mərkəzin İdarə Heyətinin sədri Murad Ağabəyli Abşeron rayonundakı Palçıq Vulkanları Turizm Kompleksinə təşkil olunmuş mediatur zamanı bildirib.

Onun sözlərinə görə, 5 ay ərzində qoruqlara gələn yerli turistlərin sayı 1 il əvvələ nisbətən 52 %, xarici turistlərin sayı isə təxminən 80 % çox olub.

"Bu il Palçıq Vulkanları Turizm Komleksinə 200 mindən çox turistin gələcəyini planlaşdırıq", - deyə M.Ağabəyli əlavə edib.