II Yelizaveta Pol Makkartnini Fəxri Kavaler Ordeni ilə təltif edib

Bakı. 4 may. REPORT.AZ/ Böyük Britaniya kraliçası II Yelizaveta Bukinhem sarayında keçirilən təntənəli mərasim zamanı "The Beatles" qrupunun keçmiş üzvü ser Pol Makkartnini Fəxri Kavaler Ordeni ilə təltif edib.

"Report" "Daily Mail"ə istinadən xəbər verir ki, britaniyalı ifaçı musiqi sahəsində görkəmli nailiyyətlərinə görə mükafatlandırılıb.

"Bu mən və ailəm üçün böyük şərəfdir və düşünürəm ki, Liverpuldan olan atam və anam sağ olsaydılar, bununla nə qədər qürur hissi duyardılar", - deyə Makkartni bildirib.