Sahil Babayev: "Son 12 ildə İƏT ölkələrində işsizlik səviyyəsi pisləşib"

"Son 12 ildə İslam Əməkdaşlıq Təşkilatına üzv ölkələrdə işsizlik səviyyəsi nisbətən pisləşib".

"Report" xəbər verir ki, bunu əmək və əhalinin sosial müdafiəsi naziri Sahil Babayev İslam Əməkdaşlıq Təşkilatının (İƏT) Əmək Nazirləri Konfransının Nazirlər Sessiyasında çıxışı zamanı deyib.

Onun sözlərinə görə, işsizliklə bağlı çağırışlar hələ də gündəmdədir: "Bu gün ölkələrimizdə əhalinin orta artım tempi yüksəkdir. Gənclərin sayı çoxdur. Xüsusilə gənclər arasında işsizlik 15,8 faizdir. Bu da gələcəkdə qarşımızda duran növbəti çağırışlardan biridir. İƏT dövlətləri arasında əməkdaşlığı artırmaqla ölkələrimizdə inkişafa töhfə verə bilərik".