Ötən il əlillik təyinatı ilə bağlı vətəndaşların təqdim etdiyi tibbi rəy və diaqnozların 43 %-i təsdiqini tapıb

Ötən il əlillik təyinatı ilə bağlı vətəndaşların təqdim etdiyi tibbi rəy və diaqnozların 43 %-i təsdiqini tapıb.

"Report" xəbər verir ki, bu barədə Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov ötən ilin yekunları barədə danışarkən deyib.

Onun sözlərinə görə, təyinat zamanı təqdim olunan bütün sənədlər dəqiqliklə yoxlanılır: "Ümumilikdə ötən il təyinatla bağlı 70 mindən yuxarı müraciət olub. Bununla yanaşı, il ərzində təkrar əlilliyə görə müraciət edənlərin sayı iki dəfə azalıb".