Kəmaləddin Heydərov Qaxda vətəndaşları qəbul edib

Sosial müdafiə

31 iyul, 2015
13:57

Kəmaləddin Heydərov Qaxda vətəndaşları qəbul edib

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 31 iyul. REPORT.AZ/ Fövqəladə hallar naziri Kəmaləddin Heydərov bu gün Qax şəhərində Qax, Şəki, Oğuz, Zaqatala, Balakən rayonlarının sakinlərinin və həmin rayonlarda məskunlaşan məcburi köçkünləri qəbul edib. Bu barədə "Report"a FHN-in mətbuat xidmətindən məlumat verilib.

Qəbul zamanı 21 vətəndaşın müraciətlərinin bir çoxu yerindəcə öz həllini tapıb, bir sıra məsələlərlə bağlı qanunvericiliyə uyğun dərhal zəruri tədbirlərin görülməsi barədə aidiyyəti strukturların rəhbərlərinə tapşırıqlar verilib.

Bundan başqa, kadr məsələləri ilə bağlı 101, digər məsələlərlə bağlı müraciət edən 241 vətəndaş nazir müavinləri və nazirliyin müvafiq baş idarə və qurum rəhbərliyi tərəfindən qəbul olunub.