Hərbi səbəblərlə əlaqədar təyin edilmiş əlillik müddətinin uzadılması üçün barələrində e-sistemə göndəriş daxil edilmiş, eləcə də əlillik sənədlərində ziddiyyət aşkarlanan 28 şəxsin əyani müayinəsi aparılıb.
Əmək və Əhalinin Sosial Müdafiəsi Nazirliyindən "Report"a verilən məlumata görə, Dövlət Tibbi-Sosial Ekspertiza və Reabilitasiya Agentliyində müvafiq komissiya tərəfindən aparılan müayinə zamanı həmin şəxslərdən 16-na əlillik təyin olunmasına dair qərar qəbul olunub.
9 nəfərin diaqnoz və sağlamlıq durumunun əlilliyə əsas vermədiyi müəyyən edilib. 1 nəfərə müalicənin davam etdirilməsi, 1 nəfərə isə yenidən müayinə üçün göndəriş tərtib edilib. Digər şəxsə isə əlilliyin qiymətləndirilməsi üçün hərbi qərarın gətirilməsi tövsiyə olunub.
Şəffaflığın tam təmin olunması üçün əyani müayinələrin videoçəkilişləri aparılır, qeyri-hökumət təşkilatları nümayəndələrinin müayinələrdə iştirakı təmin edilir. Bu dəfəki müayinədə “Əlilliyi olan Qadınlar Cəmiyyəti” İB-nın sədri Məhluqə Rəhimova iştirak edib.
Bu kimi əyani müayinələrin əsas məqsədi əlilliyin qiymətləndirilməsinin tam şəffaflaşdırılması, əsassız əlillik təyinatlarına yol verilməməsidir.
![](https://static.report.az/photo/94592ea3-1708-3e74-bde3-a61c5b81c2e6_300.jpg)
![](https://static.report.az/photo/260c78d9-e498-3d8a-824a-2d91a684fe9b_300.jpg)
![](https://static.report.az/photo/7f283244-c0d2-3102-9900-ec341cbd415f_300.jpg)
![](https://static.report.az/photo/768f874c-0e69-369a-bdad-d36949529a42_300.jpg)
![](https://static.report.az/photo/a83ee848-4b32-3b15-bc75-695ab400afab_300.jpg)
![](https://static.report.az/photo/9c40902c-d7b0-3e7e-af82-02bfd08fca91_300.jpg)
![](https://static.report.az/photo/9df32c8b-74f7-3a2c-b8da-97a96db03c61_300.jpg)
![](https://static.report.az/photo/52baacc6-555b-3a63-bead-8f495f5d2d24_300.jpg)
![](https://static.report.az/photo/cffd79a9-9432-3216-9d7d-1501bb509822_300.jpg)