Azərbaycanda dəfn üçün sosial müavinətin məbləği 500 manat olub

Azərbaycanda dəfn üçün sosial müavinətin məbləği 500 (beş yüz) manat müəyyən edilib.

"Report"un xəbərinə görə, bu, Prezident İlham Əliyevin Sosial müavinətlərin məbləğinin artırılması və “Sosial müavinətlərin məbləğinin artırılması haqqında” Azərbaycan Respublikası Prezidentinin 2013-cü il 29 avqust tarixli 973 nömrəli Fərmanında dəyişiklik edilməsi barədə Fərmanında əksini tapıb.

Qeyd edək ki, dəfn üçün sosial müavinətin məbləği 350 manat idi.