“Azərpambıq Aqrar Sənaye Kompleksi”nin Müşahidə Şurasının iclası keçirilib

"Azərbaycan Sənaye Korporasiyası” ASC-nin törəmə müəssisəsi olan “Azərpambıq Aqrar Sənaye Kompleksi” MMC-nin Müşahidə Şurasının növbəti iclası keçirilib.

"Report" bu barədə Korporasiyaya istinadən xəbər verir.

Məlumata görə, Müşahidə Şurasının sədri, Korporasiyanın Baş direktoru Kamran Nəbizadənin sədrliyi ilə keçirilmiş iclasda Şuranın komitələri yaradılıb, rəhbərləri vəzifəyə təyin edilib, eləcə də ASC-nin korporativ katibliyinin əsasnaməsi və 2021-ci il üçün maliyyə göstəriciləri kimi məsələlər müzakirə olunub, Baş direktor və digər vəzifəli şəxslərin məruzələri dinlənilib.