“Azərmaş”ın səhmdarlarının yığıncağı keçiriləcək

İyunun 28-də, saat 10:00-da “Azərmaş” ASC-nin səhmdarlarının illik ümumi yığıncağı keçiriləcək.

“Report” xəbər verir ki, yığıncaq səhmdar cəmiyyətinin Bakı şəhəri, Yasamal rayonu, Yeni Yasamal qəsəbəsi, Xarici dairəvi yol, 4 ünvanında yerləşən baş ofisində olacaq.

Yığıncağın gündəliyinə şirkətin ötənilki fəaliyyəti ilə bağlı maliyyə hesabatlarının təsdiq edilməsi, maliyyə vəziyyətinin müzakirə olunması məsələləri daxildir.

Xatırladaq ki, “Azərmaş” 2017-ci ildə ölkədə avtomobil sənayesinin qurulması və inkişaf etdirilməsi məqsədilə yaradılıb. Şirkət minik-kommersiya avtomobillərinin, onların ehtiyat hissələrinin istehsalı üzrə ixtisaslaşıb. Onun fəaliyyəti əsasən Neftçala və Hacıqabul Sənaye Məhəllələrini əhatə edir.