Azərbaycanda lak-boya məmulatlarının istehsalı 45 %-ə yaxın artıb

Bu ilin yanvar ayında Azərbaycanda 2 min 380 ton lak-boya məmulatları istehsal edilib.

“Report” Dövlət Statistika Komitəsinə istinadən xəbər verir ki, bu, 2024-cü ilin eyni dövrü ilə müqayisədə 44,8 % çoxdur.

Bu il fevralın 1-nə olan vəziyyətə görə, Azərbaycanda 529,1 ton hazır məhsul ehtiyatı olub.

Xatırladaq ki, 2024-cü ildə Azərbaycanda 41 min 786 ton lak-boya məmulatları istehsal edilib ki, bu da 2023-cü illə müqayisədə 4,8 % çoxdur.