Azərbaycanda kompüter istehsalı 40 % artıb

Bu ilin yanvar-fevral aylarında Azərbaycanda kompüterlərin, elektron və optik məhsulların, elektrik avadanlıqlarının istehsal dəyəri 26,9 milyon manat təşkil edib.

"Report" bu barədə Dövlət Statistika Komitəsinə istinadən xəbər verir.

Məlumata görə, ötən ilin eyni dövrü ilə müqayisədə elektrik avadanlıqlarının istehsalı 78,2 %, kompüter, elektron və optik məhsulların istehsalı isə 39,6 % artıb.

O cümlədəm avtomatik tənzimləmə və idarəetmə üçün cihaz və aparatların istehsalında 2,2 dəfə, qəbuledici qurğuları olmayan radio və televiziya verilişləri aparatlarının istehsalında 55 %, 1 kV-dan çox gərginlik üçün elektrik cərəyanı naqillərinin istehsalında isə 23,6 % artım olub.