Azərbaycanda əczaçılıq məhsullarının istehsalı 40 %-dən çox artıb

Bu ilin yanvar-fevral aylarında Azərbaycanda kimya sənayesi, əczaçılıq məhsulları, rezin və plastik kütlə məmulatlarının istehsalının ümumi dəyəri 412,9 milyon manat təşkil edib.

"Report" bu barədə Dövlət Statistika Komitəsinə istinadən xəbər verir.

Məlumata görə, ötən ilin eyni dövrü ilə müqayisədə məhsul buraxılışı kimya sənayesi məhsullarının istehsalında 48,3 %, əczaçılıq məhsullarının istehsalında 42,6 %, rezin və plastik kütlə məmulatlarının istehsalında isə 23,2 % artıb. Eyni zamanda rezin və plastik kütlə məmulatlarından məsaməli polistirol lövhələr və zolaqların istehsalında 71,3 %, əsas kimya məhsullarından propilen istehsalında isə 12,2 % artım olub.