Azərbaycanda dövlət şirkətinin adı dəyişdirilib, kapitalı kəskin artırılıb

“Azərbaycan Sənaye Korporasiyası” ASC-yə (ASK) məxsus "ASK İzolit" MMC-nin adı "Azərizolit"ə dəyişdirilib.

"Report" bu barədə şirkətə istinadən xəbər verir.

Bundan başqa, məlumata görə, sənaye müəssisəsinin nizamnamə kapitalı 7 131 611 manat və yaxud 3,65 dəfə artırılaraq 2 696 689 manatdan 9 828 300 manata çatdırılıb.

Xatırladaq ki, “ASK İzolit” 2018-ci ildə Mingəçevir şəhərində yerləşən “Azərelektroizolit” zavodunun bazasında yaradılıb. Müəssisə elektroizolyasiya materialları istehsal edir.