Azərbaycan Türkiyədən avtomobil sənayesi məhsullarının idxalına çəkdiyi xərci 24 % artırıb

2022-ci ildə Azərbaycan Türkiyədən 153,339 milyon ABŞ dolları dəyərində avtomobil sənayesi məhsulları idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, 2021-ci ilin göstəricisi ilə müqayisədə 24 % çoxdur.

Təkcə ötən ilin dekabr ayında Türkiyə Azərbaycana 11,306 milyon ABŞ dollarlıq avtomobil sənayesi məhsulları ixrac edib ki, bu da, illik müqayisədə 12,3 % azdır.

Ötən il Türkiyənin ümumi avtomobil sənayesi məhsullarının ixracının dəyəri illik müqayisədə 5,7 % artaraq 30,996 milyard ABŞ dollarına, dekabr ayında isə 6,7 % artaraq 3,157 milyard ABŞ dollarına çatıb.