ASK-nın şirkəti nizamnamə kapitalını 2 milyon manat azaldır

"Azərbaycan Sənaye Korporasiyası" ASC-yə (ASK) məxsus "ASK Tütün" MMC nizamnamə kapitalını 2 milyon manat və yaxud 32,5 % azaldaraq 6 148 675 manatdan 4 148 675 manata endirdiyini elan edib.

"Report" bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, kreditorlar tələblərini 1 ay ərzində Bakı şəhəri Yasamal rayonu, İzmir küçəsi, ev 14 ünvanına bildirə bilərlər.

Xatırladaq ki, "ASK Tütün" ASK-ya məxsus “Azərtütün Aqrar Sənaye Kompleksi"nin yenidən təşkil olunması ilə 2021-ci ildə yaradılıb.