2019-cu ildə Yüksəksıxlıqlı Polietilen Zavodunda 50 min ton məhsul istehsalı proqnozlaşdırılır

Bakı. 25 oktyabr. REPORT.AZ/ Bu il istismara verilməsi nəzərdə tutulan “SOCAR Polymer”in Yüksəksıxlıqlı Polietilen Zavodunda 2019-cu ildə 50 min ton məhsul istehsalı proqnozlaşdırılır.

“Report” bu barədə 2019-cu il büdcə zərfinə istinadən xəbər verir.

Proqnoza əsasən, zavodda 2020-ci ildə 108,5 min ton, 2021-ci ildə 114,3 min ton, 2022-ci ildə 120 min ton məhsul istehsalı nəzərdə tutulur.

Qeyd edək ki, illik istehsal gücü 120 min ton nəzərdə tutulan Yüksəksıxlıqlı Polietilen Zavodunun bu ilin dekabr ayında istismara verilməsi nəzərdə tutulub.