Ramin Bayramlı: "Ümumi yoluxanların 47 faizi Bakının payına düşür"

"Ümumi yoluxanların 47 faizi Bakının payına düşür, Yasamal rayonunda isə bu göstərici 17 faiz təşkil edir".

“Report” xəbər verir ki, bunu “Tibbi Ərazi Bölmələrini İdarəetmə Birliyi”nin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

O qeyd edib ki, ölkədə test aparılması imkanları 30 dəfədən çox artıb: "Bu günə 1,7 faiz müsbət nəticələrin payı testlərdə qeyd olunur. 220 mindən artıq test aparılıb və bu, 1 milyon əhaliyə 22 min təşkil edib".

R.Bayramlı əlavə edib ki, 80 yaşın üzərində 2 faiz yoluxma halı olub: "Qadınlar arasında yoluxma 57 faizə yüksəlib. 80 yaş üzərində ölənlərin göstəricisi 11 faiz təşkil edib".