TƏBİB tabeliyindəki modul tipli xəstəxanaların təyinatının dəyişdirilməsi üçün layihə hazırlayır

"Koronavirus xəstələrinin müalicəsi üçün tikilən modul tipli xəstəxanaların TƏBİB tabeliyindəki tibb müəssisələrinin nəzdində ehtiyac olan sahələr üçün istifadəyə verilməsinə dair layihələr hazırlanıb".

Bunu "Report"un sualını cavablandıran TƏBİB-in icraçı direktoru Vüqar Qurbanov deyib.

Onun sözlərinə görə, müvafiq razılaşdırmadan sonra fəaliyyəti dayandırılan digər modul tipli xəstəxanaların təyinatı dəyişdirilərək ehtiyacı olan sahələr üzrə istifadə olunacaq.

V.Qurbanov xatırladıb ki, hazırda COVID-19-a yoluxan aktiv xəstələrinin sayı azaldığı üçün onların müalicəsi üçün yalnız Məhəmmədi qəsəbəsindəki modul tipli xəstəxanası saxlanılıb: "Digər modul xəstəxanalar fəaliyyətini dayandırıb".