İndiyədək Azərbaycana 14 milyondan çox vaksin gətirilib

İndiyədək Azərbaycana koronavirus əleyhinə 14 092 460 vaksin gətirilib.

Bu barədə "Report"a İcbari Tibbi Sığorta üzrə Dövlət Agentliyindən məlumat verilib.

Bildirilib ki, gələn il üçün ölkəyə əlavə olaraq 4 milyon 431 min doza vaksinin gətirilməsi planlaşdırılır.

Qeyd edək ki, hazırda Azərbaycanda “CoronaVac”, “AstraZeneca/Vaxzevria”, “Biontech/Pfizer” və “Sputnik V” vaksinləri istifadə olunur.