Daha bir ölkə koronavirus peyvəndlərini hazırlamağa başladı

Çinin iki şirkəti – “Sinovac Biotech” və “Sinopharm”  koronavirus peyvəndlərini hazırlamağa başlayıblar.

“Report” xəbər verir ki, bu barədə “Daily Express” bildirib.

Qeyd edilir ki, peyvəndlər hazırda insanlar üzərində üçüncü kliniki sınaqların son mərhələsini keçir. Şirkətlər bildiriblər ki, vaksinlər artıq 2020-ci ilin sonunda bəyənilə bilər.

“Sinovac”ın nümayəndəsinin sözlərinə görə, şirkət ildə 300 milyon vaksini istehsal etməyə hazırdır.

Qeyd edək ki, ilk vaksin avqustun 11-də Rusiyada qeydiyyatdan keçib. Peyvənd "Sputnik V" adını alıb.