İstanbulda enməyə hazırlaşan iki təyyarəni ildırım vurub

Bakı. 17 mart. REPORT.AZ/ İstanbulda "Atatürk" adına hava limanına eniş etməyə hazırlaşan iki təyyarəni ildırım vurub.

"Report" "Dogan" agentliyinə istinadən xəbər verir ki, hazırda şəhərdə leysan yağışlar davam edir.

İldırım birinci təyyarənin gövdəsini vurub və dispetçerlər bu barədə ikinci təyyarənin pilotlarına məlumat veriblər. Buna baxmayaraq, ikinci hava gəmisi də ildırım vurmasından yayına bilməyib.

Sonda hər iki təyyarə uğurla eniş edə bilib. Zərərçəkənlər və ya təyyarələrə dəyən ziyan barədə məlumat yoxdur.