Gürcüstanın baş naziri prezident seçkilərində səs verib - FOTO

Bakı. 28 oktyabr. REPORT.AZ/ Gürcüstanın baş naziri Mamuka Baxtadze ölkədə keçirilən prezident seçkilərində səs verib.

Bu barədə "Report" "RİA Novosti"yə istinadən xəbər verir.

"Ölkənin inkişafına, Gürcüstanın ənənələrinə və Gürcüstanın Avropa seçiminə səs verdim", - M.Baxtadze deyib.

Onun sözlərinə görə, hökumət səsvermənin dinc və şəffaf keçirilməsini təmin etmək üçün mümkün olan hər şeyi edir.

Bu gün Gürcüstanda prezident seçkiləri ilə bağlı səsvermə keçirilir. Ölkədə 3648 seçki məntəqəsi açılıb.