Zaxarova: Rusiyalıları Almaniyaya səfər etməməyə çağırırıq

Rusiya Xarici İşlər Nazirliyi (XİN) vətəndaşları zərurət olmadan Almaniyaya səfərlərdən çəkinməyə çağırıb.

"Report" Rusiya KİV-inə istinadən xəbər verir ki, bu barədə Rusiya XİN-in rəsmi nümayəndəsi Mariya Zaxarova brifinq zamanı bildirib.

"Vətəndaşlarımızı ciddi zərurət olmadan Almaniyaya səfər etməkdən çəkinməyə çağırırıq. Müvafiq tövsiyələr nazirliyin və xarici qurumların rəsmi resurslarında dərc edilib", - M.Zaxarova bildirib.

Onun sözlərinə görə, bu, Almaniyaya ezam olunan jurnalist korpusunun nümayəndələri üçün də faydalı ola bilər, çünki problemlər var.