XİN sözçüsü: İran nəqliyyat sahəsində əməkdaşlığın genişlənməsini alqışlayır

İran nəqliyyat sahəsində əməkdaşlığın genişlənməsini alqışlayır, ancaq ölkələrin suverenliyinə də hörmət etmək lazımdır.

“Report” “Mehr” agentliyinə istinadən xəbər verir ki, bunu İran Xarici İşlər Nazirliyinin sözçüsü İsmayıl Bekai yanvarın 6-da mətbuat konfransında Zəngəzur yolundan danışarkən bildirib.

“İran bu məsələdə mövqeyini açıqlayıb. Biz nəqliyyat sahəsində əməkdaşlığın genişlənməsini alqışlayırıq, ancaq dövlətin suverenliyinə də hörmət edilməlidir”, - o vurğulayıb.