Xəzər dənizində təlimlər keçirilir

Bakı. 22 aprel. REPORT.AZ/ Rusiyanın Xəzər Donanmasının gəmiləri Cənub Hərbi Dairəsinin (CHD) bir sıra hərbi hissə və birləşmələrinin hərbi hazırlığı vəziyyətinin yoxlanması çərçivəsində dənizdə təlimlərə başlayıb. Bu barədə "Report" Rusiya KİV-inə istinadən xəbər verir. 

"Xəzər Donanmasının 10 gəmi, kater və hərbi qayıqlardan ibarət qrupu Maxaçkala limanından çıxıb hərbi-təlim tapşırıqlarının yerinə yetirilməsinə başlayıb. Təlimlərdə "Dağıstan" raketdaşıyan gəmisi, desant katerləri, "P-351" "Qraçonok" geniştəyinatlı diversiyalara qarşı kateri, eləcə də hidroqrafik xidmət və yardımçı donanma gəmiləri iştirak edir", - CHD-nin məlumatında deyilir.