WSJ: ABŞ kəşfiyyatı Priqojının təyyarəsinin partladıldığını hesab edir

ABŞ rəsmiləri “Vaqner” ÖHŞ-nin başçısı Yevgeni Priqojını daşıyan təyyarənin sui-qəsd planı çərçivəsində qəzaya uğradığını bildirib.

“Report” xəbər verir ki, bu barədə “The Wall Street Journal”ın məqaləsində qeyd olunub.

Təyyarənin “yer-hava” tipli raketlə vurulmadığı da vurğulanıb.

ABŞ hökumətinin natamam olan ilkin hesablamalarına görə, təyyarədə bomba partlayıb. Təxribat variantı da nəzərdən keçirilir.