Ukraynanın XİN rəhbəri rusiyalı həmkarı ilə görüş imkanından danışıb

Ukraynanın XİN rəhbəri rusiyalı həmkarı ilə görüş imkanından danışıb Ukraynanın xarici işlər naziri Dmitri Kuleba tezliklə Rusiyanın xarici işlər naziri Sergey Lavrovla görüşəcəyini təsdiqləyib.
Region
298
8 Mart , 2022 01:02
Ukraynanın XİN rəhbəri rusiyalı həmkarı ilə görüş imkanından danışıb

Ukraynanın xarici işlər naziri Dmitri Kuleba tezliklə Rusiyanın xarici işlər naziri Sergey Lavrovla görüşəcəyini təsdiqləyib.

Bu barədə “Report” UNİAN-a istinadən xəbər verir.

"Hələlik (görüş-red) 10-a (martın 10-a-red) planlaşdırılır. Görək o, Antalyaya gələcəkmi, onda mən də təyyarə ilə uçacam. Oturub danışaq", - Kuleba telemarafonda çıxışı zamanı deyib.

“Cənab Lavrova ilk sözlər çox sadə olacaq. Mən ona deyəcəm: “Cənab Lavrov, hesab edirəm ki, bu görüşü cinayətin, Ukraynaya qarşı təcavüzün həmtəşkilatçısı ilə keçirirəm. Bu danışıqlarda siz bu cinayəti dayandıra və ya ən azından dayandırmağa cəhd edə bilərsiniz, gəlin ciddi söhbət edək". Əgər o, ciddi söhbətə hazırdırsa, o zaman diplomat olaraq biz də ciddi söhbət edəcəyik”, - Kuleba bildirib.

Ukraynanın Xarici İşlər Nazirliyi bəyan edib ki, Dmitri Kuleba və onun rusiyalı həmkarı Sergey Lavrov arasında Antalyada görüş üzərində iş gedir.

Son xəbərlər

Orphus sistemi