Ukraynanın təhsil naziri: Məktəblərdə dərslərin rus dilində keçirilməsi qanuna ziddir

Ukrayna məktəblərində rus dilində dərslərin keçirilməsi qanuna ziddir, belə hallara qarşı loyallıq göstərmək olmaz.

“Report” xəbər verir ki, bu barədə Ukraynanın təhsil naziri Oksen Lisovıy “Dim” telekanalının efirində ölkədə hələ də məktəblərdə rus dilində tədrisin aparılmasına münasibət bildirərkən deyib.

“Təhsil Şöbəsinə, şəhər və ya rayon təhsil departamentlərinə şikayət edin, dil ombudsmanına müraciət edin”, - o qeyd edib.

Nazir vurğulayıb ki, belə hallara qarşı loyallıq göstərmək olmaz.

Nazirin sözlərinə görə, Ukraynanın “rus dünyası ilə yolları ayrıdır”.