Ukraynanın müdafiə naziri: "Rusiyanın İran istehsalı olan 300-ə yaxın kamikadze-dronu qalıb"

“Rusiyanın İran istehsalı olan 300 kamikadze-dronu qalıb”.

“Report” “RBK-Ukraina”ya istinadən xəbər verir ki, bunu Ukraynanın müdafiə naziri Oleksiy Reznikov bildirib.

Onun sözlərinə görə, Rusiya Ukraynanı İran dronları ilə vurur.

Nazir bildirib ki, Moskva daha bir neçə min pilotsuz uçuş aparatları (PUA) almağa cəhd edir.

Bildirilib ki, Ukraynanın Hava Hücumundan Müdafiə Qüvvələri oktyabrın 14-də səhər saatlarında İran istehsalı olan 8 “Shahed-136” dronu zərərsizləşdirib.

Qeyd edək ki, bir müddət əvvəl Ukrayna Prezidenti Volodimir Zelenski Rusiyanın İrandan 2 400 dron aldığını bildirmişdi.