Ukrayna ordusu PUA-larla Krımdakı Rusiya hərbi hissəsinə zərbə endirib

Ukrayna ordusu ötən gecə 2 pilotsuz uçuş aparatı (PUA) ilə Rusiyanın işğal altındakı Krımdakı hərbi hissəyə zərbə endirib.

“Report” xəbər verir ki, bu barədə məlumat teleqram kanallarında yayılıb.

Hərbi hissə Krımın Saki rayonunda yerləşir.

PUA-lardan birinin vurulduğu, partlayış nəticəsində itkilərin olmadığı bildirilib.

Qeyd edək ki, Rusiya Müdafi Nazirliyi martın 1-də Ukraynanın 10 PUA ilə Krıma hücum etdiyi barədə məlumat yaymışdı.

Xatırladaq ki, bir müddət əvvəl Ukrayna Prezidenti Volodimir Zelenski söyləmişdi ki, müharibə yalnız Krım azad olunandan sonra başa çata bilər.