Türkiyənin ilk astronavtının Yerə enməsi 3-cü dəfə təxirə salınıb

Türkiyənin ilk astronavtı Alper Gezervacının Yerə enməsi yenidən təxirə salınıb.

“Report” “Haber7”yə istinadən xəbər verir ki, bu barədə məlumatı “SpaceX” özünün “X” hesabında paylaşıb.

Məlumata görə, ABŞ-nin Florida ştatı sahillərində davam edən əlverişsiz hava şəraiti səbəbindən “Dragon”un fevralın 6-da Kosmik Stansiyadan ayrılmasını dayandırılıb. Kosmik gəmi və “Ax-3” heyəti sağlamdır.

Xatırladaq ki, fevralın 3-də “SpaceX” qayıdışın ən tez fevralın 5-nə ertələndiyini açıqlamışdı. Ondan bir gün sonra bildirildi ki, “Crew Dragon” kosmik gəmisi ən tez fevralın 6-da beynəlxalq kosmik stansiyadan ayrılacaq.

Qeyd edək ki, “Crew Dragon” kosmik gəmisi yanvarın 19-da Bakı vaxtı ilə saat 01:49-da Beynəlxalq Kosmik Stansiyaya göndərilib.