Türkiyənin bir neçə bölgəsində güclü yağışlar sel və subasmaya səbəb olub

Türkiyənin bir neçə bölgəsində güclü yağışlar sel və subasmaya səbəb olub.

"Report" xəbər verir ki, bu barədə ölkə mediası məlumat yayıb.

Bildirilib ki, Kocaelinin Karamürsəl rayonunda müşahidə olunan güclü yağış nəticəsində bəzi ev və iş yerlərini su basıb. Bənzər vəziyyət Bursanın İnegöl rayonunda da qeydə alınıb. Qısa müddətdə intensivləşən yağışlar bir sıra ərazilərdə subasmalara səbəb olub.

Evlərini su basan sakinlər vəziyyətlə bağlı aidiyyəti qurumlara məlumat veriblər. Əraziyə cəlb olunan xilasetmə briqadaları su basmış evlərdə və küçələrdə suyun çəkilməsi istiqamətində işlərə başlayıblar. Həmçinin bəzi ərazilərdə tutulmuş kanalizasiya və yağış barmaqlıqlarının açılması üçün tədbirlər görülüb.