Türkiyədə daha 6 min dövlət məmuru işdən azad edilib

Bakı. 7 yanvar. REPORT.AZ/ Türkiyədə Fövqəladə Vəziyyət çərçivəsində Qanun Hökmündə Qərar əsasında daha 6 min dövlət məmuru işdən azad edilib.

“Report” "Hürriyet"ə istinadən xəbər verir ki, onların arasında polis zabiti, Ədliyyə və Səhiyyə nazirliklərinin məmurları, habelə elm adamları da var.

Onlar keçən il iyulun 15-də dövlət çevirilişinə cəhddə iştirakda şübhəli bilinirlər.

Xəbərə görə, işdən azad edilənlərin 2 min 687 polis zabiti, 1699-u ədliyyə, 838-i səhiyyə nazirliklərinin məmurları, 649 elm adamı, 135-i isə dini işlər üzrə idarələrin məsul şəxsləridir.