Türkiyədə bir universitetin 141 müəllimi işdən çıxarılıb

Bakı. 31 oktyabr. REPORT.AZ/ Türkiyənin Dənizli bölgəsindəki Pamukkale Universitetindən daha 85 müəllim işdən kənarlaşdırılıb.

"Report" "Haber7"yə istinadən xəbər verir ki, qanun hökmündə qərar əsasında universitetdən uzaqlaşdırılanlardan 8-i professordur.

Onlar Fətullahçı Terror Təşkilatı (FETÖ) ilə bağlı istintaq işi çərçivəsində işdən azad ediliblər.

Məlumata görə, FETÖ-yə dair ilk qanun hökmündə qərarla bu unversitetdən 56 professor və dosent xaric olunmuşdu.

Qeyd edək ki, iyulun 15-də dövlət çevirlişinə cəhddən sonra bu unversitetdən FETÖ ilə bağlı işdən ümumilikdə 141 professor, dosetn və müəllim işdən çıxarılıb.